Ungliyon ke beech ret ki tarah
ye waqt na jaane kab guzra
Palkein jhapkai aur pal mein jaise
sadiyon ka faasla ho chala
Ghadi ke berukh chaal ne yun
aaj dil ke panne palte hai
Andheron ne ajj phir yun
teri parchaai ko rubaru kiya
Kai saal ho gaye na....
tujhko aankho mein bhare huye
Kai mukaam beet gaye
zindagi ki rasm ada karte
Ab madhosh hai hum
ya hosh aaya hai aaj
Is baat se hum anjaan sahi
Jaante hai aaj toh bas itna ki
Iss raat mein lipti teri yaad aayi hai...